內地模特兒界，每年都有新人湧現，而喺芸芸生力軍中，武漢兵團嘅實力最強大，據網友統計，舊年就有二三十個新人係嚟自湖北武漢，而網友更細心挑選，揀咗多個最具潛力嘅新人，今日就介紹吓當中嘅三甲。
20歲嘅王瑋瑛，絕對係新人王嘅代表，事關佢舊年工作不斷，又拍雜誌，又做代言，仲拍埋影視作品，所以人氣高升。阿妹佢外形討好，無論扮可愛，定係扮性感，佢都交足功課。網友最喜歡嘅，當然就係佢嘅性感寫真啦，每一輯都十分有創意，夠晒出位，噴血度極高，而且不時有新作推出，網友自然全力支持啦！
出生日期：1991年10月30日
三 圍：33-24-33
身 高：163cm
外表比較成熟嘅胡騰藝，睇佢嘅寫真時，以為佢有廿五六歲，但原來只有19歲，咁年輕嘅一個姑娘，真係唔明白佢點樣可以拍攝到啲充滿成熟韻味嘅寫真，作品優美唔在講，仲性感大膽，所以有「翹臀女王」嘅封號，出道以來一直深受網友歡迎，舊年工作量都好多，但影視作品就較少。據講今年將會大展拳腳，越界挑戰。
出生日期：1992年8月25日
三 圍：33-24-34
身 高：172cm
介紹咗兩位外形較成熟嘅囡囡後，呢位易倩就係走小可愛型嘅囡囡，佢唔只天生一副可愛臉蛋，連作品嘅拍攝風格都係走清新可人嘅路線，仲係20歲嘅易倩，駕馭青春活力絕對冇問題，但最令人驚喜仲係作品不失性感，而且魅力非凡，所以深受網友喜歡，舊年工作量不多，但今年嘅通告排得密麻麻，真係想唔紅都幾難。
出生日期：1991年8月8日
三 圍：33-24-34
身 高：165cm
撰文：小德