小笨占：@o@
最近日本有美容公司做咗個全國女性乳房調查，統計女性嘅乳杯，發現埼玉縣嘅囡囡平均乳杯最多A級，而京都府同岐阜縣嘅囡囡就最多E級，其實香港都可以做一個相類嘅調查，睇吓十八區嘅囡囡，邊區嘅乳杯最大，邊區嘅最小，相信結果公布之後，級數大嘅地區樓價亦會同時大幅上調。
因兒：^v^
呢個調查好難進行，因為香港地經常有好多外來人口，好似深水埗同天水圍，每年咁多新移民搬入，佢哋嘅胸部經祖國栽培，個個都有番咁上下，一定會拉高呢兩個區嘅數字。另外，有好多女仔十歲八歲就去外國讀書，一直飲洋奶長大，佢哋個個都上圍豐滿，個個都D級以上，返嚟同土生土長嘅囡囡比，真係冇得比。
女強人：$￭$
就算唔計外來人口，我哋本地人都成日搬嚟搬去啦，好似我咁，今年就搬過三個地方，十年來搬過成廿次，你話我應該歸入邊一區呢？何況，我肯承認係呢區，但其他囡囡都未必會承認我，事關我係A級代表，去邊區都只會拉低統計數字，所以呢個調查盞嘥氣，不如查吓邊個區多囡囡隆胸仲好。
小龍女：*€*
講起隆胸嘅調查，咪以為容易，好似我咁，又隆過，之後又拆過，咁我歸入邊類呢？屬於有隆定冇隆呢？計我話調查呢啲乳杯數字，只係遊戲一場，大家唔使咁認真，就算深水埗同天水圍真係贏咗，我都唔覺得一下子會有大量囡囡湧入去住，希望自己上圍變大，所以樓價亦唔會貴好多，要發達，死心啦！