雖然小弟一早就過晒睇卡通片嘅年紀，不過有時為咗同阿仔有話題，都要同佢坐定定一齊睇。早年我就覺得人氣日本動漫《鋼之鍊金術師》相當唔錯，而我就最鍾意當中嘅大道理，就係等價交換，即係有捨至有得。此道理套用到我哋嘅生活當中都極為受用，更加係意欲催谷人氣嘅女星一定要知道嘅道理，日本水着妹阪本麻美最近就深明此理喇。現年28歲嘅麻美於2003年出道做演員，曾經演出過電視台綜合節目《過度Cozy》，更加參演過人氣電視劇系列《特命系長》。不過活躍咗一輪之後，人氣好快就下滑。但係，麻美梗係唔會認命啦，一於拍性感寫真谷人氣。可惜谷完又再下滑。而今次推出嘅最新寫真集《the real mami》，麻美就表示將會露得更徹底，大家睇到個封面都知道阿妹今次嚟真，大有機會盡地一煲露番一兩點，想知道有幾多點可以睇到，咁就要買本寫真集睇清楚喇。