話歐債危機冇影響就假嘅，直接最受影響嘅唔只金融市場，連一眾醉生夢死嘅蒲友出動都要諗過度過。今時今日廿蚊美元喺香港飲餐茶都未夠，但喺美國居然可以有酒飲、睇艷舞、抽女水甚至溝埋女拖出去都有得諗。咁筍盤，難怪班玩家穿州過省排通宵都要去玩啦喂！
廿蚊美元，約港紙百六，連快餐店食燒鵝飯聽聞都要收五十，咁大概可以想像到有幾抵玩！冇講笑，雖然細佬未曾參加過類似派對，但幾年前仲講緊收二百美元一位，而且節目仲係求求其其，志在畀個空間班蒲友入場逼吓！今日就唔同囉，只要你肯消費，入場有酒飲、有艷舞睇、有囡囡玩泥漿摔角、有Live Band、有Cosplay比賽等等，喺一晚內排住隊上，咁精彩嘅內容，喺美國洛杉磯的確發生緊，就以剛啱5月18日晚搞嘅一個以卡通Cosplay及自創角色主題嘅脫衣舞派對為例，當晚約有三百名男女參加，據聞逼到要企出門外，但玩家一啲都唔介意，事關廿蚊美元入場費實在太賤價，求其去間酒吧飲兩杯都唔只呢個價！表演嘅內容正如先前所講，參加者可自願扮演卡通人物，但要以性感為主題，上台表演，然後由台下呼聲作評分，最多人撐為之贏，勝出雖然無獎攞，但就有大把男女圍住你。
其實DevilPlayground搞呢類派對已好有經驗，但近年經濟唔掂，惟有喺節目內加插更多環節，而蒲友就認為是晚活動中最過癮正係脫衣舞環節及接住嘅囡囡擂台，皆因每次艷舞女郎各自出場跳舞熱身，爭取台下觀眾支持後，就上台砌過，蒲友話囡囡身上已所餘無幾，擂台上仲要有咁多埋身動作，想唔走光都難，走光對囡囡嚟講真係濕濕碎，旁邊嘅觀眾仲會出手相助，對住兩位選手又摸又摷，推高全場氣氛。
對主辦單位嚟講，只有將氣氛推到高潮，夜場先會有錢搵，蒲友開始忘情鎅女，酒水當然唔少得，有巴打就表示平均每人使費埋單要三百美元，如果以三百人計數，一晚帳面成九萬美元，即接近港幣七十萬，各位千祈咪睇小嗰廿蚊呀！
撰文：祖