其實人人都需要一本性手冊，尤其是香港嘅性教育唔係做得咁好，好多年輕人對性一知半解，好容易因為衝動而恨錯難返。而對於宅男嚟講，就更加需要喇，因為佢哋所有性知識都從四仔得來，隨時有誤解嘅地方，所以一本有教育意義嘅性手冊其實好重要。好似呢本《The Cartoon Guide to Sex》就有趣又生動，有教育性之餘又不失幽默樂趣，係人都睇得明，書內所有知識同埋動作，都用卡通人物表達，睇落都覺得可愛，甚至同女伴一齊睇都完全冇問題，佢哋仲會覺得你好得意添！所以宅男屋企最好存放一本，平時睇多啲，自然更加了解性。如果嫌自己平時話題唔夠的話，仲可以趁機搵女伴一齊研究，攞住本書有排講喇！使乜搵話題搵得咁辛苦。