最近日本有成人風俗網站，替出張服務嘅囡囡做個有關手袋嘅調查，訪問咗二百幾個從事上門服務嘅囡囡，問佢哋去開工時用嘅手袋，係要實用、時尚、名牌、貴氣定係方便？大家都以為佢哋崇尚名牌，原來唔係，令唔少朋友大跌眼鏡。
大家都以為個個囡囡都會用名牌手袋，原來唔係呀！囡囡話佢哋出去工作，有時要帶好多嘢，例如沖涼用品同化妝品，加上客人如果要玩制服誘惑嘅，佢個袋就要裝多套制服落去，連埋內衣、鞋襪、配飾等，真係幾多嘢。假如客人要玩埋性玩具，佢仲要放埋啲架生落去，所以揀手袋都以實用大大個，裝得嘢多為首選。
囡囡點都係貪靚啲，特別係年輕囡囡，佢哋買手袋時都以時尚新款為主，所以出外工作攞嘅手袋，大都會十分時尚，但由於佢哋周不時都要出入金融中心區、五星級大酒店，所以個手袋時款得嚟又唔可以太有個性，例如一啲公仔圖案嘅手袋，返工時都唔會用，所以只能佔第二位。
因為佢哋要出入高級場所，所以好多囡囡都會用名牌手袋，而且孭住名牌袋，真係貴氣好多，客人唔知，仲以為嚟咗風俗店嘅一姐級人馬，所以深得囡囡喜愛。但名牌袋有個問題，放得太多嘢落去會好難睇，所以用到嘅機會好少，而且囡囡年紀輕輕就用名牌，好多時都畀人誤會用嘅只係A貨，囡囡免得受氣，所以少用。
撰文：賢