囡囡到咗一定年紀仲單身冇拖拍，家陣都會被人封為剩女，之所以坐上剩女「寶座」，其實同自身性格都好有關係，而喺十二星座中邊三個星座嘅囡囡最容易當上剩女？今日就同大家分析一下。
天秤座嘅囡囡又斯文又靚女，點解會變做剩女呢？原來佢哋太過挑剔，睇佢哋買嘢就知道，會行勻成個商場嚟貨比三家，買件衫都咁謹慎，何況揀男朋友，佢哋會再三揀擇和試驗對方，最弊係佢哋試驗時，經常會做一啲令男友失望或傷害對方嘅事，埋下分手嘅炸藥，奉勸佢哋揀男友咪咁理性，有時感性啲反而冇咁麻煩。
代表人物：相川友希
三 圍：32、22、34
身 高：162cm
巨蟹座嘅囡囡最喜歡交朋結友，同男仔隨時可以混得好熟，而且就算喺男友或者老公面前，佢哋都一樣會肆無忌憚，所以好多男仔都會頂佢哋唔順，同時佢哋喺公眾地方，同陌生人交往時會特別主動，有啲男仔就會覺得佢哋太過火而唔敢深交，所以雖然身邊男仔多如繁星，但冇一個會有發展，奉勸交男友有啲分別，咪一視同仁。
代表人物：池田夏希
三 圍：35、23、34
身 高：170cm
雙子座嘅囡囡性格多變，一時一樣，明明喜歡一個人，但係又會對佢哋諸多挑剔，係要糟質個男仔至安樂，所以能夠接受得考驗嘅男仔至有機會喺埋一齊，但要小心一點，佢哋對另一半嘅考驗係永無休止，直到天荒地老，所以初認識時男仔會話佢哋神經質，識耐咗就會話佢哋有神經病，奉勸囡囡面對合心意嘅男仔咪玩嘢啦！
代表人物：安藤遙
三 圍：33、23、32
身 高：156cm
撰文：賢