叔公：@o@ 原來男人不壞，女人不愛呢個論調，係有科學根據嘅！美國一項調查研究發現，係因為女人體內嘅賀爾蒙作怪！當女性接近排卵期嘅時候，就好似飲咗迷湯一樣，會將口甜舌滑嘅壞男人當成Mr. Right，仲以為自己有特殊魅力，可以將花心男變成模範丈夫添！美國德州大學研究發現，女性嘅周期會影響佢哋嘅擇偶判斷力，揀咗Mr. Wrong。研究要求少女喺繁殖能力最強同埋最弱嘅一日做測試，講出對不同男子嘅觀感，發現女人喺性慾弱嘅時候較理性，但性慾強嘅時候，就好容易亂揀一通。原來用下身諗嘢唔係男人嘅專利，女人以後要自己檢討一下喇！
阿強：^v^ 呢個研究實在太好喇！簡直為我哋男人出咗一口氣，以後如果有女人再話我成日用下身諗嘢的話，我可以即刻話番佢，女人都會每個月有幾日唔帶腦出街，見到男人就想做愛，而且仲衰到揀埋啲壞男人，以為自己魅力無窮，最終就恨錯難返。
大巴雄：#o# 我成日都話女人好易呃架啦！啲兄弟又唔信我，依家睇完呢個研究，佢哋一定要信我，因為我次次都專吼佢哋周期到嘅時候出擊，等佢哋迷迷糊糊之下，就順水推舟，事關佢哋仲有需要過我，好容易就氹咗上床喇！男人只要識得搵時機，氹女真係冇難度。
大件：*~* 女人都係人，梗係有性需要，不過佢哋好多時都唔敢表達，就算男人真係搵到好時機，有時佢哋都會扮矜持，所以千祈唔好輕敵，一定要落足嘴頭先得。令佢覺得自己好有魅力，女人就會容易落疊好多，獻身只係遲早嘅事啫！