家陣美國經濟唔好，搞到班四仔脫星都要諗計搵銀，而拉斯維加斯就有班脫星，諗到搞泳池派對，讓一班粉絲能夠同佢哋嚟個近距離接觸之餘，仲可以狂歡一個下午。難得有咁嘅機會同班火辣脫星嚟個親密接觸，梗係讓一班四仔迷雀躍不已啦！
其實又唔可以講到班脫星，為咗搵銀搞派對咁勢利嘅，皆因話晒班脫星都係要靠人氣，先至可以搵到食，搞啲親民活動亦無可厚非，加上有得同班四仔迷玩之餘，仲可以搵錢咁又何樂而不為呢？不過話雖如此，但係想同呢班脫星癲番一個晏晝，卻係少啲銀両都唔得，事關呢個活動逢周末舉行，而每位有興趣嘅玩家就要先畀四百美金入場費，先至有得玩，折合約為三千港幣，真係幾貴o架！
但如果閣下係脫星Fans Club嘅會員嘅話，則可以得到八折優惠，擺明益粉絲。雖然條數都係唔平，但大家不但可以同班脫星大玩色慾遊戲，仲可以任攬任啜，條數計落又喺番度，最重要係機會難得，難怪活動推出以嚟，即刻有唔少人報名。據講活動嘅輪候名單，要排到去下個月中，要等差唔多一個月至有得玩，足見呢個泳池派對有幾咁受歡迎。
既然係泳池派對，梗係唔會齋飲酒、玩水咁簡單，更何況畀咗成三叉嘢入場費，單係咁玩又點會夠喉呢？呢班脫星確係有生意頭腦，知道齋玩班粉絲未必會收貨，故此喺派對度，佢哋會大玩各種色慾遊戲，好似係互搶泳衣、泳池耍盲雞、剝衫搶波仔等等，樣樣都係睇頭十足，就算冇份落池玩，齋睇都已經值回票價。
有早排參加過呢個派對嘅玩家就話，讓佢至為印象難忘嘅，要數剝衫搶波仔嘅環節。玩法其實同閃避球差唔多，玩家先同一眾脫星打散分成兩隊，並喺泳池分成兩邊，然後拎個吹氣沙灘波互掟，邊個畀對方掟中嘅話，就要即刻甩Bra或剝T恤，再中則要剝埋下半身，簡單嚟講，邊個中咗兩球嘅話，就已經要剝晒光豬。男粉絲剝光豬事小，班脫星三點畢露先至夠香艷，叫在場嘅玩家點會唔興奮狂叫呢？可惜當去到活動環節時，大家都冇得影相，否則現場波濤「胸」湧嘅盛況，一定正過睇四仔啫！
撰文：峰魂簫