最低工資實施一年，報道指低技術人員情願做保安都唔做體力勞動工作，原來內地浙江嘅囡囡都係咁諗，雖然佢哋冇最低工資保障，但愈嚟愈多夜場女改喺酒店做全職雜工，見到有心水筍盤至主動出擊，聽聞跑數仲易過喺夜總會搵食添！
內地大小酒店多到嚇人，兼且有星冇星都爆到有錢訂唔到，除咗做旅客，大部分時間都接待嚟內地做生意嘅單身寡佬，有咁多筍盤，囡囡又點會錯過，有喺酒店做執房嘅服務員爆料，話身邊愈嚟愈多同行兼職做中介人，介紹囡囡上房賣肉賺取佣金，部分甚至自己砌埋一份！
據執房員表示，近年酒店出現一種囡囡「中介人」，佢哋多數係執房員工，皆因可以零距離接觸房客，第一時間了解對方底細。假如人客同佢有眼神接觸，大概都知道對方有冇需要！「單身寡佬去到其他地方邊會唔心郁o架，與其畀晒夜總會賺，不如畀執房都賺番筆啦，最常見情況多發生喺夜晚，通常房客飲到有啲醉意，又冇拖女返房，執房會主動上前扮關心慰問，如果人客口甜舌滑，咁就食住上介紹囡囡，成功機會超過半數！」
囡囡仲話會根據不同國籍房客作出介紹，假如係洋人會先介紹自己上陣，理由當然係賺得更多，若然係日韓男士就介紹其他姊妹頂替：「洋人比較客氣，甚少會好似亞洲人咁奄尖睇幾轉至落決定，同時佢哋拖女入房，主要係想有人幫佢揼骨，執劑只係次要。至於日韓男士雖然要求多多，但肉金任劏，相信係因為人客喺自己地方生活指數高，而且習慣服務斷項收費有關！」
由於多咗年輕貌美嘅夜場女轉做執房，令一批上年紀嘅低技術阿姐消失，執房員話對酒店嚟講基本上無損失，反而提升酒店形象，最重要係賣淫事件唔好揚開去，房客話唔定會食過翻尋味添！
地點：浙江
語錄：夜場女有計，執房再執劑，食盡兩家禮，房客有數圍！
撰文：祖