人類係感情嘅動物，無時無刻都想有個人可以填補到一顆寂寞嘅心，最好當然可以同時滿足埋空虛嘅肉體啦！不過對某啲星座嘅男女嚟講，卻係先要講性再談情，咁先至啱佢哋心水。究竟邊個星座嘅男女咁思想開放，要床上體驗完至嚟精神交流呢？
山羊座嘅男女大多數都係先講性後談情，喺家陣呢個觀念開放嘅年代，梗係容易搵到拍乸，上完床後再慢慢揀都未遲啦！咪以為山羊男女好豪放，只係佢哋唔鍾意玩愛情遊戲，乜嘢追追尋尋，乜嘢愛得纏綿都唔係佢哋嗰瓣，反而明刀明槍嚟個肉搏大戰，至啱佢哋心水。咁係咪代表佢哋只係有性冇愛？非也，因為佢哋覺得，得到心靈滿足嘅先決條件，係要滿足到肉體。只有肉體嘅合拍度夠高，心靈自然得到滿足。難怪山羊女AV女優石川優實，話一定要搵到個靈慾一致嘅男友啦！
表面上嚟睇，天蠍座嘅男女性觀念相當保守，若然唔係深入了解一段長長長時間嘅話，佢哋都唔會同你曳曳。查實天蠍係個好矛盾嘅星座，一方面佢哋要表現得矜持，唔敢咁易同人行埋，另一方面卻由於天蠍係個精力旺盛，性慾相當大嘅星座，好想同人有進一步嘅接觸。就係佢哋呢種規矩得嚟，又好想狂野一番嘅性格，若然先挑起佢哋嘅慾火嘅話，反應便會相當激烈，跟住再同佢哋談情，就好似天蠍座AV女優兼潮吹天后紅音螢咁，當觸發佢嘅慾火，便會體驗到另一番滋味！
好多人揀對象，都想要慢慢了解一排後，至會跨越最後嘅雷池，齊齊上床尋快樂。不過講真，呢個年頭遇到好嘢就要快啲手，慢啲都會畀人捷足先登，到時真係喊都無謂。既然難得遇到心儀嘅對象，梗係要搶先出擊，因此最鍾意玩快刀斬亂麻，唔鍾意歎慢板嘅白羊座，就有機會極速得米！日本白羊座嘅AV女優牧瀨美沙就係一個好例子，阿妹不但主動又夠放，遇到心儀男士更會主動出擊，佢話遇到個好男人就要食咗先，好過事後慨嘆得唔到嘅葡萄係酸嘅喎！
撰文：魂