雖然呢幾日時有落雨，但係踏入初夏嘅熱力好快又湧現，相信大家近幾日返到屋企都好想開冷氣。若果冇嘅話，敬請大家依家將冷氣開到最高效能，因為美國熱情如火嘅邁阿密即將有熱力四射嘅盛事上演！
提到陽光與海灘，大家可能會諗起我哋香港人引以為榮嘅淺水灣，遠少少嘅布吉島或者沖繩，不過，以上地區嘅火辣指數相信一定唔夠美國邁阿密咁高，我唔係覺得西人嘅月光特別圓，亦唔係睇唔起亞洲美女，而係當地於5月18至20日，會有一個熱得唔可以再熱嘅大型色情博覽舉行，呢個就係eXXXotica Expo喇。
雖然世界上各地嘅成人娛樂博覽極多，但係eXXXotica Expo除咗係美國最大型嘅成人娛樂博覽，亦係世界上規模最大嘅一個，據講上一屆吸引到逾10萬名好色之徒入場。另外，eXXXotica Expo每年都會舉辦4次，分別位於邁阿密、新澤西、芝加哥以及洛杉磯。不過，講到最受歡迎嘅，始終都係邁阿密呢一個，無他嘅，因為呢處係度假勝地，可以順道四圍玩多幾日嘛。不過，去完eXXXotica Expo仲有冇精神玩就係另一回事，皆因場所精彩節目滿載，而且仲有After Party，由一班知名脫星同場同大家玩足一晚。
eXXXotica Expo節目勁多，舞台上表演一場接一場，例如有舞男舞孃勁歌熱舞，又有火辣性感嘅膠衫愛好者行騷，亦有脫星做真人騷。不過，睇到神魂顛倒，個人迷迷懵懵之後，好快就會醒神晒，因為舞台之下有好多四仔展銷攤位，大班美女脫星性感坐鎮，波來波往咁，仲唔醒神？又怕被波陣迷暈？震一震自然可以更精神，活動又有大量情趣用品攤檔，仲開放畀人試玩，放心畀老闆娘用震棒震兩震啦。
有經驗老到嘅老闆娘操刀為大家示範最新情趣用品點用，一定令人流連忘返，又或者再轉陣去第二個檔口玩多幾轉。玩得多，加上會場面積咁大，真係玩到腳仔軟，唔使怕，活動新設美女陪瞓床位，只要大家畀得起錢，就可以瞓上張舒服大床，再左擁右抱，發個甜美綺夢。瞓醒之後，精神一振，欣賞近年新加插嘅選美環節，由參加者一人一票選出eXXXotica小姐，見到班佳麗個個都身穿超細碼三點式，行天橋嘅時候雙峰激烈蕩漾，好可能連佳麗嘅號碼都唔記得，最後投唔到票。
撰文：賢