雖然小弟一向愛巨乳，但係家陣咁多嫩模經常拋胸出鏡，卻令我不以為然，原因係佢哋嘅撈味實在太重，感覺性感有餘，但係帶點淫穢，絕無半點健康。不過，性感又係咪唔可以同健康並存呢？絕對唔係，日本女藝人比嘉愛未就話畀大家知兩者絕對可以融為一體。今年25歲嘅愛未一向形象清新又健康，其氣質綺麗又自然嘅美貌亦相當迷人，所以高中未畢業就被人賞識，邀請佢拍攝日本越洋航空嘅廣告，之後再被邀請拍電影《天國的來信》，從而加入藝能界。最近，愛未推出第一本個人寫真集，名為《Clear》，拍攝嘅時候，阿妹更係第一次出國，去到熱情嘅峇里島取景。於環境幽美嘅峇里島上，愛未會以性感三點式演出，背景陽光燦爛，加上阿妹動作優雅，表情又柔情似水，令人感覺如沐春風，正！