最近北京有個盛事，男人不得不去，呢個就係北京車展喇。車展當中除咗有大量新型車款之外，最令男人睇到流晒口水嘅，當然係一眾到場演出嘅車模啦！而最近內地嘅兩位新聞女主角，正正就係其中兩位。
內地嫩模李穎芝擁有美艷嘅面孔以及火辣嘅胴體，一向都令好多男人睇得神魂顛倒。阿妹2009年成名，全因參加當年嘅國際美麗小姐大賽，並成功奪冠；之後，參加國際環球皇后大賽又奪得亞軍。成名之後，阿妹參加過好多大型活動，亦獲獎無數，好似2011年到上海車展做車模，就贏得最完美曲線車模獎，真係威到盡！最近嘅北京車展，作為知名車模嘅阿妹當然有出席啦。不過，縱使車模界索女輩出，李穎芝一出場一樣全場哄動，原因除咗因為阿妹佢美艷動人，仲因為佢身穿嘅一襲性感長裙中門大開，盡露驕人雙峰，而呢條裙本身亦來頭不小，事關裙上鑲滿閃閃發光嘅鑽石，價值過億，順利幫助李穎芝成為近期新聞焦點。
又係演員又係嫩模嘅干露露身材激凸，只要小露「峰芒」，必然吸引到萬眾男人雙眼(目及)到實。不過，露露一向都唔會吝嗇身材，話露就露，經常都作全裸演出，優美嘅身材曲線以及豐滿雙峰表露無遺，令人睇得熱血沸騰，亦因為其演出拚搏而惹火，所以露露就贏得「中國第一裸模」嘅稱號。今屆嘅北京車展，干露露一樣有份出席，並且換上一套超低V黑色長裙出現，大露半球令現場好多人都舉機喪影。之不過，由於其長裙唔夠李穎芝嗰套咁閃咁貴，所以內地媒體就形容佢畀李穎芝揮低。
現年24歲嘅張婉悠美艷絕倫，氣質同紅極一時嘅日本女神Leah Dizon甚為相似，加上身懷一對39F重量級巨乳，所以迅速走紅。及後，阿妹佢拍攝咗一個電玩廣告，當中大露酥胸，令廣告香艷之極，故成功贏得新一代宅男女神嘅稱號。不過，呢位宅男女神最近就有少少麻煩喇，阿妹佢同混血歌手張倫碩相戀已經唔係秘密，但係二人嘅激情慾照突然被網絡瘋傳，而幾張慾照當中，可以清楚見到阿妹同男友進行激戰，狀甚享受，唔令阿妹成為新聞人物都幾難咯。
撰文：賢