四眼仔：最近報紙講有個國際知名瑜伽大師，原來佢得閒無事就會同啲女學員大玩裸體瑜伽派對，據講同超過幾十個囡囡有一手，早知玩瑜伽咁吃香，我都一早走去學啦，加上我皮膚夠黑，成個印度人咁樣，一定會大受歡迎，但聽講練瑜伽要筋骨好軟，依家幾十歲至去練會唔會太遲呢？我怕搞到筋骨盡斷都未練得成呀！
勾鼻強：使乜練瑜伽咁辛苦？你跟我一齊學玄門神功仲正啦，早前唔係好多妙齡囡囡，為咗轉運，而同老佢幾十歲嘅所謂師傅性交轉運咩！諗起都令人興奮，我家陣就四圍搵人專修呢科！你話學成之後真係打跛雙腳都唔使憂，使乜學瑜伽咁辛苦，而且呢啲神功係本地嘢，學得輕鬆用得容易，而且開心完仲有錢收，真係正呀！
小金蓮：好心你哋咪咁白癡啦！你估做師傅咁容易咩？除咗本身要有過人之處外，仲要口若懸河，死都講得翻生，曲都拗得直，如果唔係，邊有囡囡會上當，計我話你未學一技之長前，先學吓點溝女仲好啦！何況家陣有啲乜嘢兩性攻略大師，跟佢哋學番兩三堂，練吓啲基本功仲實際，想扮大師免費溝女，咪發夢啦！
大耳牛：講起啲男女攻略大師，計我話做佢哋真係溝女無數，事關嚟搵親佢哋嘅都係啲感情脆弱嘅囡囡，只要你講啲煽情嘢，令佢哋喊晒口之後又氹番佢哋，咁囡囡就會黐住你唔放，你要佢做乜都冇問題，而且最重要係仲有錢收，據講搵呢啲大師教路，一個課程要收六七千，真係好發達o架！所以咁多種大師，都係做男女攻略大師最好。