今年26歲嘅人氣脫星Bree Olson，雖然喺去年底引退，但係佢之前拍落唔少人氣之作，故此縱然佢已經唔再算係四仔界一員，作品仍然深得四仔迷嘅讚賞，早排更得到專為四仔界而設嘅四仔影片頒獎禮XRCO（X-Rates Critics Organization），頒發傑出成就獎畀佢，肯定呢位索女對四仔嘅貢獻。查實Bree不但樣靚身材正，床技更係超班，早喺佢出道後兩年，即08年時便得到由AVN所頒發嘅最佳新進脫星獎，其後又得到最佳三人行脫星演出獎及最佳成人網站脫星等獎項，不但攞獎攞到手軟，更足以證明佢嘅演出有幾咁勁。唔知仲係相當索嘅Bree，得到呢個地位更超AVN頒獎禮嘅大獎後，會唔會考慮復出呢？
XRCO頒獎禮因為由一班專業四仔評論員所組成嘅評委推選出最佳獎項關係，所以好多人認為佢嘅地位高於AVN頒獎禮，而今屆嘅最佳四仔大獎，就頒咗畀由四仔豪門大廠Wicked Picture製作嘅《The Rocki Whore Picture Show》。呢套作品嘅故事內容，主要係圍繞一班喺成人真人騷劇團發生嘅趣事，當中有演出時，男主角突然進入唔到狀態，搞到班女角齊齊圍住佢發功，又有喺演出途中，突然有鹹濕佬衝上台搞事，甚至畀觀眾柴台等，不但內容精彩又有劇情，當中仲要有笑有淚及香艷嘅場面，咁多元素加埋一齊，梗係要頒個最佳四仔大獎畀佢啦！
脫星除咗拍四仔、搞握手會外，其實仲有唔少搵錢嘅方法。好似人氣脫星Chanel Preston、Lexi Belle、Breanne Benson同Amy Brooke咁，佢哋就相當有生意頭腦，皆因佢哋聯同一個成人網站，喺聽日26號，於紐約嘅HeadQuaters Gentlemen's Club搞個脫星派對，除咗唱歌表演兼同現場觀眾大玩遊戲外，當然唔少得性感又火辣嘅舞蹈演出。其實呢場演出係加開場嚟嘅，事關早喺上個禮拜四，佢哋就已經嚟咗個首輪表演，點知反應相當好，大會決定追加一場，等一眾脫星嘅粉絲唔好錯過呢個接觸偶像嘅機會，呢班脫星果然唔單止好波哋，仲好有商業頭腦喎！
撰文：魂