近年有唔少受歡迎嘅日本輕小說被動畫化，當中有唔少口碑相當好，好似喺去年10月推出嘅人氣動畫《我的朋友很少》咁，就係一個好例子！呢套故事講述一班唔識得點樣同人溝通嘅少男少女，為咗可以擴闊生活圈子，於是喺學園組成「鄰人社」，亦因此而搞出好多笑話。而今次帶嚟嘅呢隻小野貓，就係當中叫做高山瑪麗亞嘅女角色。
喺作品中嘅瑪麗亞，外表相當嚴肅之餘，衣着更係密實到爆，因此今次佢以小野貓嘅造型登場，畀到唔少粉絲新鮮感。本嚟外形相當可愛嘅瑪麗亞，頭上多咗一對貓耳，美股又加埋條貓尾，同埋擺出貓爪甫士，讓佢賣相更加Kawaii！不過講到最吸引嘅，卻係佢件低胸衫，不但露半球，迷人嘅事業線更係相當養眼，襯埋絲襪同高踭鞋，女人味十足得嚟又好性感呀！
全高：約130mm
售價：約HK$646
暫定發售日期：2012年7月
撰文：魂