男主播：9^9 兩個月前有個韓國女主播，因為流出咗「性愛影片」而成為媒體嘅焦點人物，佢同前男友嘅糾紛一直備受注目。佢前男友更爆料指兩人分手嘅時候，遭女方家人毆打，仲直指佢有畀人包養過。呢位前男友更自稱手上有醫院診斷書等證據，更表示主播並非像鏡頭前咁單純，絕對係金錢第一嘅女人，而且性態度好開放。當然，女方一定否認所有事情，稱前男友係因為迫婚不成，因愛成恨捏造謊言，惡意傷害女方。事情的真假至今仍眾說紛紜，姑勿論真與假，「性愛影片」真係唔可以亂拍，好多時情海翻波之後，就變成咗自己嘅催命符，事業前途都隨時毀於一旦。
八卦文：+^+ 之前香港都有個人版喇！估唔到韓國又整多一個，其實「性愛影片」係好私隱嘅嘢！可惜呢個世界就係有太多反面唔認人嘅人，或者太鍾意睇人私隱嘅人，所以「性愛影片」一定唔可以亂拍，就算自己唔係明星，只係普通人，一旦流出市場，都隨時會畀人笑到面黃，仲有聲名狼藉，以後唔知點見人。
阿嬌：#^# 我就話萬一條片落入色情集團嘅手中，隨時變成四仔DVD發售，到時真係無辜辜做咗四仔明星，全世界人都睇過自己嘅性行為，直情要搵個洞捐入去先得。所以我話名聲係其次，以後點再搵食最重要，男人都算數，女人就真係一世唔使嫁，邊有男人接受得到自己個老婆畀人睇過晒，就算有，都係萬中無一，想嫁仲難過中彩票喇！
我鍾意：6<6 我覺得依家已經係二十一世紀，人嘅思想應該向前看，性愛態度同時都要向前看，所以我覺得呢啲「性愛影片」唔係好大件事啫！人人都會做愛o架喇！平時又有咁多四仔睇，我根本就唔當係一回事，如果伴侶同意的話，我會公開自己嘅影片畀朋友睇添！大家一齊研究吓，可以增進性技巧，何樂而不為！