正所謂人靠衣裝，又有云先敬羅衣後敬人，為咗尊重場合，配襯番一套體面嘅衣着亦是應該。不過，好多人都話，一套衫唔代表一個人嘅人品，太重視衣着只會同世界大同嘅理念相違背，可能澳洲一位藝術家都係咁諗，所以特別要求參觀其藝術品嘅人士全部要剝光豬。早前，澳洲一個叫做Stuart Ringholt嘅女藝術家，喺悉尼現代藝術館展覽藝術品，但係就要參觀者以及導覽員一絲不掛入內，至好欣賞喎。所以，藝術館入面真係肉光四射，吸引力幾乎蓋過一批藝術品，相信好多男參觀者睇法亦一樣。不過，如果佢哋怕畀人鬧，指摘其人掛住欣賞異性嘅胴體，佢哋大可以話：「人體其實就係上天最美妙嘅藝術品嚟喎。」