大耳牛：9^9 新特首順利選出後，相信正準備緊佢嘅發展藍圖，而小弟忽發奇想，好想佢關注一個行業，就係香港嘅色情行業，事關十幾年嚟一啲進步都冇，唔好話冇晒競爭力，同周邊地區比更係冇得揮，家陣用夕陽行業嚟形容也不為過，如果新特首肯扶助吓，咁一定大快民心，因為麻甩佬有邊個唔鹹濕！
笨占：+^+ 係就發達啦！最好就係合法地大量引入外地囡囡，除咗北地胭脂之外，仲可以引進埋日本妹同韓國妹，當然有外國金絲貓就更好，就算冇，入啲優質南亞裔囡囡都冇得頂，只要貨源充足，咁自然有一番新景象，最重要供求大，自然費用減，到時我哋啲麻甩佬就有平價餐食，諗起都開心，真係希望新特首關注一下。
朱金春：#^# 我話你哋都諗壞腦，新官上任只有三把火，到時唔洗一兩個月太平地，搞到全港雞飛狗走，你哋都算有運行啦，仲想佢幫忙發展色情事業，你諗都唔好諗，何況乜嘢行業都好，政府唔插手仲好地地，但一插手就會冇運行，家陣小弟得閒撳吓鐘仔，已經十分滿足，唔好搞兩搞連鐘仔都冇得撳，咁就大件事啦！
小蟲蟲：6<6 我都贊成咪搞搞震，佢哋唔出手都當幫忙，好似以前有議員提議設紅燈區，如果成事，咁就大件事，舉例開設喺九龍城，我家住元朗嘅，要搵囡囡就要山長水遠搭個幾鐘頭車出市區，又要花個零鐘返入元朗，咁咪攞嚟搞，我家陣落街過條馬路就有鐘仔撳，不知幾方便，所以叫啲達官貴人幫忙，真係千祈咪制呀！