日本人啲色情鬼主意，真係多到冇人有，最近喺西新宿剛剛開咗間「私淫補習社」，專門招收性事上仍然需要補習嘅男同學，補習社位位導師都係星級質素，好多都係退休舞孃或者當紅風俗孃，性經驗豐富之餘，仲好有愛心，一見到男同學，就忍唔住要親身傳授佢性事上嘅秘技。
好多人以為補習社打開門做生意，梗係收得愈多學生愈好喇！不過呢間「私淫補習社」嘅宗旨就有啲唔同，事關佢嘅導師全部都係兼職，所以教學時間唔會好長，有心報讀嘅男士，先要選擇補習嘅科目，例如口技、指技、持久力等等，總之覺得自己有邊瓣唔係好掂，就揀定心水科目，之後再交低訂金，如果導師安排好時間，就會叫你上堂，急唔嚟嘅！唔好以為好似其他色慾服務咁樣，畀完錢就可以提槍上陣。
當導師安排好時間之後，補習社就會打電話畀你，叫你洗定白白去上堂，事關補習社內冇浴室，學生最好自己洗定白白先。而導師一日只會上一堂，即係只會教你一個，所以佢哋教得好專心，學生絕對覺得物有所值。因為去得補習社嘅男士，大多都係黃毛小子，對性事仍然一知半解，而且經驗不足，經過導師調教之後，性技一定可以突飛猛進，令女伴刮目相看。
其實呢間「私淫補習社」除咗玩噱頭之外，仲好識得捉男人心理，一來要等，二來又話有星級導師，搞到一開張就吸引好多學生。日本色情事業之所以歷久不衰，就係因為業內人士肯不停動腦筋，花花心思就可以收多一倍價錢，囡囡開心時，老闆亦賺到見牙唔見眼，所以依家愈來愈多囡囡去應徵做導師，難得有份咁好搵嘅兼職，梗係撲去做喇！
撰文：七瀨