話說廣西有個夜場老闆，過年時候落咗澳門旅遊，期間當然唔少得去見識吓艷舞演出，由於全場爆滿，所以現場氣氛十分熱烈，加上舞蹈員技術精湛，佢老人家睇得心花怒放，返到鄉下立即叫晒啲老總嚟開會，睇吓可唔可以照樣搞個艷舞團。
據講幾個老總返屋企，戙起床板諗橋，最後商議後一係唔做，一做就要有以下三點配合，第一，啲跳舞嘅囡囡，一要係北方人，個個高頭大馬至好睇，二要有華麗舞台燈光同埋表演嘅服裝，三要請一個專業嘅排舞老師嚟教，唔可以太過馬馬虎虎。
老闆心諗太過土法炮製，唔成功不特止，仲可能會影響埋夜總會嘅生意，於是掟成千萬落去搞製作，啲老總分工，籌備咗三個月，終於打鑼打鼓咁宣傳，鐵定某月某日推出艷舞演出，點知出嚟效果強差人意，每日小貓三兩，老闆當然激到啤一聲。
當然日日都捉啲老總嚟照肺，好彩有個老總忽發奇想，講出最大問題就係啲囡囡全部係內地人，鈎唔起客人嘅性幻想，所以老總要求所有舞蹈員都要戴假髮嚟扮鬼妹，加上化妝配合，有啲囡囡仲連陰毛都染色，跟手對外宣稱係嚟自俄羅斯嘅艷舞團，但就冇話係俄羅斯妹定係喺過嗰度受訓，今次一出街，啲客人竟然排住隊嚟捧場，就算有人睇出係扮嘢嘅都睇得開心，總結今次嘅經驗，發現外國嘅月光係特別圓真係冇講錯！內地囡囡跳艷舞有乜咁出奇，但內地囡囡扮鬼妹跳舞咁就唔同晒啦！
撰文：小德