現在社會荒誕，鑊鑊新鮮鑊鑊甘，令港人大有愈來愈重口味之勢。但有時呢啲咁刺激嘅嘢，並唔係人人都受到，就算啱，都未必係愈重愈好！千祈咪好似美國脫星Bree Olson咁，早前就被影迷控告四仔情節太重口味，結果要公司賠錢和解！
究竟Bree Olson對影迷做過乜，而令對方心理受創呢？話說早前喺一部作品內，內容正講述阿妹同男優搞得慶起，喺騎乘期間，竟然撲向鏡頭伸脷扮鬼臉，嚇到正喺度自娛嘅影迷心理受創，日後更影響正常性交，最後對方提出起訴，事件引起成人傳媒報道，網友議論紛紛，認為原告人玩嘢，乘機抽水，一面倒支持Bree Olson，無奈當事人決定入稟法庭，向阿妹索償，公司為了息事寧人，決定私下同該影迷和解！雖然傳媒並冇報道賠償金額多少，但Bree Olson就表示已對影迷回水兼買回四仔作品，同時向對方溫馨提示以後不要再購買自己作品，免得有意外發生，阿妹講述事件時怒氣未消：「實在荒謬，當時鏡頭無非想表現我興奮到欲罷不能一面，但該四仔迷太投入，將責任推卸喺我身上。」
查實學似Bree Olson咁喺四仔拍攝期間忽然玩嘢都唔係第一次，尤其係作品完結後嘅製作花絮，導演將其剪輯收錄喺作品內，藉此同大家分享拍攝時苦與樂，但自從呢次事件後，據聞不少片商都將花絮剪走，免節外生枝，相反Bree Olson就堅持要繼續再玩，皆因當事人認為色情電影都係娛樂事業一種。佢解釋：「四仔對男人有實用性，且旨在娛樂，所以應放鬆心情對待，若然認真對大家都冇好處。除非四仔界踢走我，否則片商即使剪走花絮，我都會喺作品內私下加插我幽默一面。」Bree Olson咁有創意，當然值得支持，問題係你有冇咁多錢賠先？
撰文：祖