最近馳力王個老友話懷疑自己中咗招，馳力王一聽到就立即問佢去過邊度玩，佢話自己平時鍾意去細場，又鍾意去埋啲窮鄉僻壤玩，但係次次都做足安全措施，都唔知點解會中招，不過依家仲未肯定，要等醫生嘅最後報告出嚟先知。佢繼續問馳力王，究竟內地嘅骨女會唔會定期做身體檢查，呢個問題依家先問，可能太遲喇！馳力王出嚟行走骨場咁耐，當然好清楚佢哋嘅衞生情況，其實一般中型至大型嘅骨場，都會要求囡囡每個月驗一次身，而有啲豪華場更會要求囡囡每個月驗兩次身添！所以照道理，應該係好安全，但係一啲蚊型場或窮鄉僻壤嘅地方就好難講，正所謂一分錢一分貨，囡囡自己一個搵埋都未必夠開銷，仲邊有閒錢去驗身，而場所又冇明文規定，自然會側側膊唔多覺。不過馳力王都安慰老友，叫佢唔使自己嚇自己先，最多以後食少多覺瞓，唔好立亂食嘢喇！