斧頭邦：我女朋友真係好過分，唔畀我同女仔朋友玩WhatsApp都算，仲唔畀我睇AV，久唔久上我屋企嘅時候，甚至會入我間房進行大搜查，睇吓有冇收埋AV碟，我愈來愈覺得自己似監犯。
桃花客：睇AV都有罪？唔係啩？我成日擺到明畀女友知我有睇，仲要話班AV女優好索好識得取悅男人，等佢知道自己上床有幾多不足之處。而佢知道我咁欣賞啲功夫，家陣上床都畀多幾分肉緊喇。
老狼有火：我女友不時同我一齊睇AV，有時仲問我鍾意睇邊一類，見到就幫我買添。其實，睇AV同睇正常電影差不多，都係娛樂嘅一種，唔使睇到AV好似洪水猛獸咁喎。
黃金羅漢：以前我女友都唔畀我睇AV，不過，家陣佢做咗我老婆就解除禁令喇，因為佢話我上床冇乜情趣，所以叫我睇多幾套，學吓啲新招同佢玩喎。