同朋友飯局，小弟總係最多嘢講嘅一個，原因係我作為一名小記者，一定要有時事、潮流觸覺，所以班朋友一有問題咪會問我意見囉。其實，作為一個男人，唔好淨係留意汽車、音響、足球嘅潮流，女性內衣潮流亦一樣要留意，大家試想像一下，某日女伴硬要拖埋你去揀內衣，問你意見嘅時候，你唔想敷衍了事，但係又唔認識內衣嘅箇中一二，你話係咪失禮呢！如果大家想了解最新嘅內衣潮流動向，可以上網以「CURVExpo 2012」作為搜尋字句搵吓有關資訊，因為呢個係北美最大型嘅內衣展覽，剛剛至順利結束，內裏展示今年秋、冬季最時款嘅內衣，大家睇完就知到潮流趨向，當然亦可以欣賞到一班模特兒嘅激凸身材啦。