波子機
我近排發現同居咗兩年幾嘅女友，經常趁我唔喺度時，見佢個閨房密友。本嚟兩個女仔傾密偈都冇乜問題，只係我有次喺佢擺私人嘢嘅櫃桶度，發現有女同四仔，同埋一啲假鳳虛凰嘅情趣用品。我驚女友會唔會突然變攣呢？順帶一提，女友個老死係個TB嚟！
嘩！根據你咁講，睇嚟你打定輸數都得喇！你條女成日趁你唔喺度私會個有女同傾向嘅朋友，仲要喺佢櫃桶度搵到呢啲嘢，結果係點仲使問嘅？你都係早啲同女友攤牌，情願你飛佢，都好過佢飛你吖！
我又覺得樓主唔應該咁快下定論喎！因為我都有個TB朋友，由於佢同屋企人住關係，驚啲「私人用品」會畀屋企人見到，所以將啲嘢擺咗喺我屋企。不過同你女友唔同，我事先有同我條仔講，費事佢好似你咁諗多咗。如果你想知真相嘅話，都係直接問佢好啲。
其實會唔會係你哋嘅性生活出現咗問題呀？我覺得你女友同你同居咗咁耐，冇理由突然間會變攣，可能佢係想用呢個辦法，嚟暗示吓你呢！就算佢真係變攣，聽你咁講應該發生咗唔長嘅時間，趁住佢未決定轉向前，快啲搵出問題真相，拗番直佢啦！