為咗成功爭取加薪，議員都提出不同理由，我最覺得不滿就係有議員居然話，因為要處理議會事務，而搞到應付原有職業嘅時間縮減，影響收入，所以就要求大幅加薪！唔滿意份人工你咪唔好做囉！幸而，佢哋都唔夠印度嘅兩個議員離譜，因為早前，當地某政黨嘅兩位男議員，被人拍到出席政治會議嘅時候，居然用手機睇AV。事件曝光之後，兩位知衰嘅議員決定辭職，為事件負責，勇氣都算係值得嘉許。
撰文：賢