今日介紹一個湖南岳陽嘅靚女畀大家認識，名字叫做黃馥琳，做咗模特兒只有兩年時間左右，由於樣子清秀，身材出眾，所以話咁快就成為人氣偶像，最近仲同網絡遊戲公司簽約當代言人，而且仲粉墨登場，扮演金庸小說中佢自己最喜歡嘅小昭角色，原本都有啲擔心，少了份異國味道，但打扮起嚟，又真係入型入格。而馥琳之所以入行，原來係有段古，話說佢男朋友成日攞住本雜誌，喺佢面前談論啲模特兒有幾靚女、有幾好身材，但從來冇讚過佢，於是馥琳偷偷地拍咗幾輯相，登上雜誌後畀男朋友睇吓，證明自己一啲都唔輸蝕，但男朋友竟然冇發覺，仲讚相中嘅囡囡夠靚夠索，激到馥琳紮紮跳，就係咁樣誤打誤撞入行。跟住阿妹仲打算拍電視劇，相信以佢咁好條件，前途一定無可限量。