渡海濠情：男友信唔過 本末咪搞錯
大家收收埋埋啲利是錢，會放入錢箱，定係存入銀行？抑或係交畀信得過嘅人呢？嚟自金龍夜總會嘅雲雲，佢話細個時將所有嘢都交晒畀最信得過嘅人，點知乜嘢都畀佢攞走晒，連最寶貴嘅初夜都一樣唔放過，呢個衰人就係佢嘅前度男友！
有錢結婚
雲雲話：「由於我有好多親戚朋友，所以每年過春節都會𢭃到好多利是，計起嚟平均三四千蚊都有，如果肯勤力啲四圍跑，有時六七千都有，咁多年嚟我都將利是錢交畀阿媽保管，但自從識到前度男友，佢竟叫我將啲利是錢交晒畀佢看管。」咁你都肯制嘅？雲雲話：「佢話我哋一齊存起啲錢，將來就有錢結婚喎，於是連續三年，大約兩萬蚊利是錢全部畀晒佢，點知……」係咪一走了之呢？雲雲點點頭：「喺最後一年，一直追我交錢，我起初都有啲奇怪，點知一交錢畀佢，佢就消失咗。」
帶眼識人
雲雲曾經四處打鑼咁搵佢，除咗想追番啲錢之外，原來仲想追番啲寶貴嘅嘢？雲雲話：「佢當時對我真係好好，所以我咪連隻豬都畀埋佢囉！點知佢會咁對我喎！」咁家陣啲利是錢，又會點用呢？雲雲話：「無論係利是錢，定係賺番嚟嘅錢，我全部都會使晒佢，免得啲人貪我嘅錢而接近我，現在財散人安樂，不知幾咁爽。」所以話童年陰影真係影響深遠，希望雲雲快啲走出陰霾，重新做人，最重要係有正確嘅理財觀同埋要帶眼識人，否則亂咁使錢，始終唔係辦法！
雲雲Profile
年齡：21歲
三圍：34-23-34
撰文：小德 攝影：阿昌