正所謂色字頭上一把刀，尤其係對鍾意北上玩樂嘅玩家嚟講，咪以為係「色」途老馬，就覺得自己身經百戰，乜嘢牛鬼蛇神都唔怕，只要一個唔小心，失財事小，畀人挾住過唔返羅湖事大！
話說早排有玩家去老深玩樂，平時鍾意去髮廊食快餐嘅佢，唔知點解突然身痕，聽個喺樓下派卡片嘅麻甩佬講，話佢嗰間樓上酒吧囡囡特別省鏡，身材又有幾咁好，態度有幾咁親切，坐枱價更係全免。唔知係咪玩家嗰排好耐冇發洩，搞到個腦畀精蟲佔據咗，竟然跟住對方上咗去。正如大家所料，班女個個肥屍大隻，仲要擁有虎背熊腰嘅健碩身材，玩家見狀即刻冇胃口！點知佢仲未嚟得切反應，即刻畀幾個彪形壯女挾咗喺梳化，枱面跟手就擺咗三支老威。玩家梗係唔認數，然後當然係拗數啦！對方好慷慨地表示：「女，各花入各眼，但枱面幾支酒就一定要計，埋單三千人仔，唔該。」最後？拗咗好耐，埋單一千至走得甩呀！
特攻語錄：樓上酒吧好參差，誘人騙局時有之，慾火焚身變白癡，失財算係小意思！
撰文：鋼炮仁