師傅教落一個人冇幾何行正大運，一旦知道好運降臨，就唔怕有風使盡（巾里），正所謂有料唔怕晒，情況好似內地嫩模徐嘉陽咁，知道自己嘅優點就露到盡。徐嘉陽樣子美艷動人，一副瓜子口面配上精緻五官，令佢堪稱一代美人兒。同一時間，阿妹佢身材極佳，除咗擁有接近5呎8吋嘅高挑身形，雙腿又長又幼，令愛腿人士流晒口水之外，最重要係佢仲有一對35吋美巨乳，而腰肢又要幼一幼。畢業於北京電影學院嘅佢同時行走嫩模同演員路線，拍過嘅電視劇包括《醫者仁心》、《青春少年行》等等，出色嘅表現備受製作人讚賞。不過，個人就比較留意阿妹嘅嫩模演出，因為佢了解到最大賣點係個胸，所以拍寫真嘅時候，經常以超低V打扮上陣，仲配埋彎身倒奶或夾胸動作，實行嚟個巨乳大傾銷，有乜辦法唔冧死佢呢！