女人味可以因應化妝嘅濃淡而改變，只係差在變得好定變得倒胃口，事關唔少女仔落妝之後真係成隻索命厲鬼咁款o架陰功！不過假若好似內地嫩模劉子希咁，無論濃妝定淡妝都可以凸顯出誘人嘅女人味，咪可以成功上位囉。個人認為子希妹可以算得上係當今內地嫩模界最索嘅一位，除咗佢身材高挑，而且腰幼胸大腿又長，身材正到啪啪聲之外，仲因為阿妹本身個樣亦係標致得好交關，化濃妝又夠艷麗，化個淡妝又夠清純，口味相當豐富。難怪佢參加2010年足球寶貝大賽嘅時候，成功奪得亞軍以及最佳身材獎，之後仲得到內地名導馮小剛嘅賞識，邀請佢參演電影《非誠勿擾2》，然後仲憑住極高人氣成為2010年國際旅遊小姐嘅評審之一。