早前小弟搵番一本由我哋一班中學同學，於畢業時候互贈嘅畢業冊嚟睇，發覺當時小弟真係英氣十足，再睇番家陣垂垂老矣嘅樣子，實在不禁興嘆幾句，但係心諗，幸好當時有影相留紀念，否則最靚仔嘅一刻無法保存至今。美國佛羅里達州一名叫做Sydney Spies嘅女中學生可能都係咁諗，所以特別做咗本畢業冊，並請攝影師拍下大量低胸露乳嘅性感玉照，想將自己最美好嘅一面同各位將要分開嘅同學分享。之但係，負責製作畢業冊嘅同學就覺得批性感照實在太大膽，所以拒絕刊於畢業冊，搞到Sydney Spies同阿媽上街抗議，話班同學唔識貨。