新年新願望，相信好多朋友都已經計劃好自己嘅大計。今日要介紹嘅兩位靚女，佢哋同樣計劃多多，分別係嚟自日本嘅人氣偶像仲村妙，同埋嚟自北京嘅靚女模特兒陳馨宇，一於嚟個比併，睇吓佢哋兩個邊個容易成功。
講到身材，相信一定係內地代表陳馨宇佔優，事關佢擁有34吋D級巨乳，配埋身高有176cm，長腿、纖腰、巨乳三合一，係男人睇見都無法拒絕，而仲村妙就只有33吋C級，左夾右夾，有時都有啲嘢睇，但就欠缺火辣感，雖則佢嘅性感寫真集同埋水着DVD，出道咁多年都一直熱賣，但呢回合都係馨宇稍勝，先贏一局。
講到工作經驗，咁真係冇辦法，雖然馨宇選美出身，而且參加過多個大賽，經驗豐富，但佢18歲至出道，而仲村妙15歲就入行，所以論經驗真係仲村妙多啲，而且佢除咗拍寫真，仲拍電影、上節目同埋做舞台劇，可以話演出經驗十分豐富，睇嚟馨宇要追，真係要加倍努力至得，所以呢個回合仲村妙反勝一局。
今年兩人都有大計，而馨宇就計劃接拍電影或者電視劇，如果時間許可，佢仲會灌錄單曲唱片添，但模特兒工作一定唔會減少，粉絲大可放心；至於仲村妙，舊年比較沉寂，只推出一本寫真集，但就令佢人氣回升，年初工作已經接踵而來，佢話乜都會做，爭取機會同粉絲見面，睇嚟兩個都十分搏命，呢個回合打成平手啦。
大隻仔：我當然支持陳馨宇啦！未睇過佢啲寫真相就難講，你只要睇過，一定會印象難忘，完全被佢嘅完美身材所吸引。
四眼妙：我就支持仲村妙，因為大家都叫阿妙吖嘛！而且大家都係貧乳一族，但佢仍然撈得咁掂，咁仲唔係我嘅偶像。
艾滴答：我就兩個都支持，事關馨宇身材火辣，騷味十足，而仲村就青春無限，娶晒兩個做老婆真係此生無憾。
出生日期：1991年3月14日
三 圍：33-21-33
身 高：157cm
工作資歷：2005年出道，喺老家岩手縣嘅地方選秀會開始，一步一步踏上星途，初中畢業後，隻身往東京發展，經過六年奮鬥，無論電影電視舞台劇都演出過，實力毋庸置疑，雖然胸部唔大，但推出嘅寫真集同水着DVD，一樣大受歡迎，人氣火爆。
出生日期：1989年4月20日
三 圍：34-23-34
身 高：176cm
工作資歷：2008年出道嘅陳馨宇，參加比賽進軍娛樂圈，之後一直都係以模特兒嘅身份，接拍雜誌同廣告，近年電視綜藝節目吃香，所以亦以嘉賓或客席主持身份頻頻亮相，取得不俗嘅成績，但佢嘅粉絲團，主要都係被佢嘅完美身材吸引住。
撰文：峰魂簫