聽一啲深圳地產代理反映，近來有香港人賣掉深圳房子返香港生活，港人「回流潮」似乎愈來愈烈。部分香港人覺得內地生活指數愈來愈高，生活壓力大增，不如賣掉深圳嘅房子，返香港生活仲好。不過唯一問題就係小三點樣處置，以前佢哋供開三四千元，依家已經加咗成千元，所以好多港男都決定將房子賣掉，將小三再移入更遠嘅二線，或者索性分手，一刀兩斷之餘，仲可以慳番家用添！所以近期有老友話多咗好多夜遊腳，事關佢哋同小三分手，自然可以更自由咁去玩，將以前養小三嘅錢，攞嚟按摩，梗係好好用喇！見過有好多曾經養過小三嘅老友，最終都係分手收場，而且再見唔係朋友，事關佢哋話內地妹好纏身，唔斬釘截鐵的話，一定會拖拖拉拉。既然唔想再被困，當然要狠啲喇！尤其是同內地小三講分手，唔夠狠心的話，最終就會畀人榨乾。事關佢哋見你有異心，一定會用多啲手段喺你身上搵錢，搵埋搵埋到時畀人飛都無咁傷。