係男人都想自己溝女時候，無往而不利，但係可惜唔係個個男人都天生口才了得，又懂得女人心咁厲害，不過唔緊要，只要有恒心，鐵柱都可以磨成針。如果自問溝女未夠料，一定要虛心向學，買本《The Exclusive Layguide》睇吓，學下內容教你嘅實用招式，仲有如何了解女人嘅身體語言，心理狀態等等。對於男人嚟講，呢本就係溝女指南，一本在手，世界通行！
美國嘅瑜伽熱潮已經Hit咗十幾年，好多女人已經係瑜伽嘅忠實Fans，但係男人學瑜伽就始終未夠普及。不過最近加州就掀起咗男人學瑜伽嘅潮流，事關佢哋唔係成班人學，而係單對單形式學，仲有個教練一定係惹火尤物，件瑜伽服性感到幾乎罩唔住對波，所以一旦做伸展動作嘅時候，就隨時都會走光，男學員根本就係醉翁之意不在酒，想𥄫嘢多過想學瑜伽，不過好多教練又唔介意，因為走光成本已經打在客人身上，佢哋每堂收費比一般瑜伽貴一倍，正所謂願者上釣囉！
撰文：荒木