掹袋男：老夫老妻八年，早已情趣盡失，無奈老婆話想生仔，勉強都要交功課，維持十日一劑！問題係唔知乜原因，每次同老婆行埋我就變得好快完事，頂多十分鐘，相反出去偷食就半個鐘都撐得住。我懷疑係習慣咗戴袋，為咗滿足老婆，惟有笠番個套上陣，點知畀佢鬧到狗血淋頭，查實我只係想發射前至掹套，啲女人真係難搞！
西門吹雪：「掹袋男」你就好啦！我老婆死都要我戴袋做，否則唔畀我掂添呀！但我都要鬧埋你一份，既然你對生仔都冇所謂，咁咪同老婆講清楚問題所在，然後當住佢面拮穿個袋，咪可以解決所有問題囉，乜得你咁蠢架！
囡債囡償：咪扮嘢啦！根本你就係怕將啲病菌傳染你老婆，到時莫講話生仔，離婚都嫌太慢，所以你至主動戴袋，至於你話出去偷食持久力驚人明顯係藉口，等自己良心好過啲，奉勸你千祈唔好生仔，否則害己害人！
畢直一提：戴個袋都要畀人鬧，你老婆有乜咁巴閉呀？莫非老兄你食軟飯？唔係就第一時間飛起佢啦！既然外面世界好玩，你就唔好諗埋啲衰嘢，繼續安全性行為，假如佢再嘈你，以後就唔同佢做，睇吓將來邊個忍唔住吖！
好事多為：師兄你呢種事結婚前都預咗啦！試問有幾多個偷食男會想生仔架！好似我咁，四十幾歲人仲掛住偷食，結果結婚十幾年都膝下猶虛，所以我奉勸你諗清諗楚，唔係持久力問題，亦唔係戴袋問題，而係你仲要唔要偷食問題！