男人幻想嘅題材有好多，除咗希望自己飛黃騰達外，更經常幻想有艷遇，否則點解四仔同AV咁得男士捧場呢？美國邁阿密有成人網站，唔想男人得個諗字，推出「Imagination Comes True」嘅服務，從而滿足男人無時無刻出現嘅性幻想！
據呢個網站解釋，有資料顯示男人平均每日都會出現十一次性幻想，而幻想嘅題材亦有好多，從街上邂逅到辦公室偷情都有。當然，幻想終歸係幻想，好難成真。呢個網站為免男士得個諗字，決定幫佢哋將幻想變成事實，只要玩家將所想嘅故事內容提供畀佢哋，網站便會安排場景同囡囡，等佢哋可以試吓箇中嘅滋味。
可能有人會問，若然玩家想像力太過豐富，幻想喺太空曳曳，咁又點樣安排呢？呢個網站亦考慮到呢點，故此佢哋現階段，提供咗四個場景畀玩家，當中包括：住宅、辦公室、教室同街道，而有興趣嘅玩家，就根據呢四個場景創作劇本，然後Send畀有關網站。一來唔使班玩家諗到天花龍鳳，二來亦可計算可行性。對方考量過當中嘅劇情，稍作修改同報價後，再由玩家決定玩唔玩。
點解話網站要報價畀玩家呢？原來呢個服務嘅收費各不相同，要視乎玩家古仔嘅內容、參與索女嘅人數多少、場景嘅變化及床戰嘅形式等，而元素愈多價錢自然愈貴。就以一個街頭邂逅，跟住上車玩車震，再返歸打友誼波嘅古仔為例，半粒鐘嘅汽車租金（如果用自己架車嘅話係唔會計錢）、半粒鐘嘅房屋租金，加埋囡囡一個鐘嘅肉金，盛惠五百美元，折合約為三千九港紙。當然，囡囡嘅質素愈高，肉金自然又會貴啲，抵唔抵玩就要自己計計喇！
有試過呢種玩法嘅玩家就話，呢個價錢對佢嚟講，絕對係物有所值！事關佢一直以嚟，都好想將自己嘅性幻想成真，於是趁住呢個機會，玩咗次主僕偷食，仲搵多個囡囡扮係自己老婆，完事後嚟捉自己黃腳雞。佢話：「班女演技一流，畀個哎吔老婆捉到正時，感覺真係好似畀自己個正印捉到咁，真係好刺激o架！」