飛九天：最近喺網上睇到一段情慾短片，發現個女主角好似我老婆咁樣，連叫床聲都一樣，我應該問清楚佢定係唔理佢呢？呢件事令我好煩，連性能力都受影響！
大鼻貴：樣子嘅嘢可能有錯！但叫床聲呢吓嘢，就真係只此一家，冇得亂認，所以段片九成係你老婆嘅大作，如果唔信，不妨畀條Link過我，等我細心研究吓都得。
人妻：如果女主角係你老婆，咁男主角唔係你，咁又係邊個呢？計我話呢排要留意吓你老婆嘅行蹤，隨時可能發現更大嘅秘密，但記住你要有心理準備至好行動。
吹水文：你自己都話變咗虧佬，老婆唔出嚟偷食就奇，所以唔怪得你老婆，但可恨嘅係個契家佬偷食就算，仲拍埋片放上網，咁缺德都有，呢啲人唔可以放過佢呀！