兔年仲有一個星期就過去，小弟在此為大家拜個早年，祝大家龍年龍精虎猛，齊齊做老闆！講起做老闆，可以向下屬指指點點的確係過癮，但係最開心都係可以因應自己嘅喜好，聘請一個合心水嘅俏秘書，如果大家都鍾意秘書小姐，今次為大家鬥Chok嘅兩位佳麗，一定滿足到你嘅慾望！
以一輯《潘金蓮日記》成功爆紅嘅杜鑫身材勻稱婀娜，單係相集其中一張半裸掩胸照，就盡顯上圍嘅豐滿肉地。而不時以水着上陣嘅阿妹亦成日將曲線身材盡情展現，真係睇頭十足！至於佢嘅對手谷桃子，的確係擁有兩個嬌美水蜜桃，只要輕輕一夾，兩個水蜜桃即時谷晒出嚟，不過谷桃子曾幾何時就以自己圓潤又豐滿嘅美臀自豪，而個人亦覺得其優質股確係極之誘人，拍得住美臀天后秋山莉奈，呢個回合就判平手啦。
杜鑫改得自己個花名做小新，除咗因為佢鍾意睇《蠟筆小新》之外，仲因為佢熱愛玩Cosplay，從佢嘅寫真作品當中，可以見到佢唔單只擅長扮古典美女，扮美女狙擊手、《街頭霸王》入面嘅春麗以及其他動漫角色都極為神似，可謂一代Cosplay達人，甚至榮獲網絡遊戲舉辦嘅CF寶貝冠軍。而谷桃子作為一個日本水着女優亦同樣多變，扮空姐、兔女郎、運動美女、藝伎都難佢唔倒，眾多扮相同時顯示出獨特氣質以及姣好身段，同杜鑫一樣咁正。
作為一個女秘書，一定有機會幫老闆應付難纏嘅客戶，如果冇番幾分姿色，冇幾分姣味，又點樣電到班客戶貼貼服服，為老闆解決煩惱呢？呢方面，谷桃子散發嘅姣味就足夠應付喇。谷桃子由於氣質綺麗又帶幾分柔弱，拍寫真嘅時候就算冇表情，雙眼水汪汪咁一樣電力十足，姣味濃郁。之不過，杜鑫比佢更勝一籌，因為佢愛以妖艷打扮上陣，雙眼又夠姣，仲不時咬手指，盡現無比姣味！
出生日期：1984年9月9日
身高：5呎4吋
三圍：35D、23、34
工作資歷：高中畢業之後，谷桃子曾經到一間手機店工作，但係一年之後就離職，事關佢實在美色誘人，所以被日本知名嘅T字頭汽車品牌請做模特兒，為期一年。之後阿妹又去到東京都一間酒店做秘書，期間，阿妹放假去到原宿遊玩嘅時候，畀現時所屬事務所嘅社長睇中，因此就成為水着女優。踏入藝能界之後，谷桃子除咗顯示出本身嘅非凡氣質以及極品身材，上到綜藝節目仲表演出其搞笑本色，成為唔少電視台嘅熱撐女優。
出生日期：1983年4月27日
身高：5呎5吋
三圍：32C、23、34
工作資歷：性感火辣嘅杜鑫花名叫做小新，2007年嘅時候，阿妹佢仲係地產公司嘅女秘書，由於佢秀色可餐，加上性格外向，活力十足，所以被模特兒公司睇中，邀請佢做業餘模特兒。同年，阿妹為一本時裝雜誌，拍下一輯極度性感嘅寫真，名為《潘金蓮日記》，當中阿妹以妖艷打扮上陣，仲玩埋上身赤裸，只以雙手掩胸嘅大膽姿勢，而呢輯寫真被發布上網之後，就令杜鑫火速成為網絡紅人。時至今日，杜鑫雖然鮮見半裸拍攝特輯，但係一樣不失性感，寫真同樣極具吸引力。