外國人非常重視聖誕節，所以一定會大搞派對，亦會舉行大型慶祝活動。早前，德國就有人藉住聖誕節嘅熱鬧氣氛，冒住嚴寒去到一個名為Orankesee嘅湖泊游水，當中好多人仲只係頭戴聖誕老人帽，身上光脫脫！雖然當日天氣凍，湖水更凍，但係班剝光豬或者只係身穿內衣嘅男男女女全部都游得相當開心，而且仲一邊游一邊唱歌，勇氣值得欣賞，此活動其實值得香港人參考，一來可以鼓勵大家游冬泳強身，二來唔識游水嘅朋友亦大把嘢睇。