曾經喺香港七十年代紅極一時嘅「狂牛機」，依家已經無人玩，但原來喺美國西部，仲有人攞架古董出嚟搞「狂牛派對」。而且仲吸引好多後生女參加，佢哋着晒牛女裝束，裏面好多都係真空，凸點飛釘，睇到在場牛仔眼凸凸。最重要係呢啲美女坐上「狂牛機」之後，胸前一對大肉球，畀隻狂牛Fing到飛晒出嚟，場面夠晒刺激香艷，難怪呢部古董仲咁受歡迎。
美國西部有好多牧場因為經營不善，最終要結業收場，不過咁大個地方，荒廢咗又好可惜，於是有牧場主人諗到租畀人搞派對，地方大又夠新鮮，好多派對搞手認為有得搞，不過山長水遠，一定要有噱頭，先可以吸引到班後生仔女參加。最終畀佢哋諗到將呢隻古董「狂牛機」翻生，成個派對以懷舊牛仔做主題，自然吸引到一眾貪玩嘅後生仔女。
參加得呢啲瘋狂大派對嘅後生女，大多都係旨在識仔，所以佢哋一身打扮，除咗有牛女味道之外，最重要係將自己對肉球盡情露出，事業線有幾深就谷到幾深，係男人見到都會畀佢攝走魂魄，咁就一定可以溝到仔喇！所以現場所見，有好多美女都出盡法寶，有真空上陣，又有若隱若現，但係坐上「狂牛機」之後，統統都畀隻牛Fing到現晒形，成對肉球無所遁形。
「圈地」相信好多人都聽過，但原來呢個派對興玩「圈女」，有咁性感嘅牛女，自然吸引無數自命不凡嘅牛仔到場，不過佢哋唔係嚟挑戰隻狂牛，而係嚟「圈女」，佢哋會帶備私人嘅繩圈，去到派對睇啱鍾意嘅對象，就可以飛個圈埋去，將美女套住，如果美女都對佢有意思，就唔會反抗，乖乖咁畀佢拖返屋企。如果美女唔鍾意嘅話，隨時拔出武器，將佢條繩剪斷，完全無面畀，搞到牛仔都幾瘀。
撰文：荒木