以前經常聽班老前輩講，每逢春節臨近，內地唔少夜場都會出現囡囡荒，就算個場新春期間照常營業，都唔慌會有乜嘢女可以揀。隨住時間推移，加上內地春運期間，車費貴，人又逼，仲要有錢都未必有車飛買關係，近年唔少囡囡都會留番喺度開工，情願過咗春運檔先至返歸抖抖。不過，呢啲有女留守嘅情況，只係出現喺大場度，細場？照舊十個囡囡，其中八個返屋企！
點解細場咁難留女？有玩家認為細場客少啲，加上春節呢啲合家歡日子，更係少有玩家捧場。既然收入少咗，咪情願早啲放假囉！呢個雖然係其中一個理由，但卻唔係主因，而主要原因係大場財力夠，部分夜場會提供春節花紅，有錢有朋友，囡囡梗係留守啦！另一個原因就係，大場囡囡多，一百個中就算有一半返咗屋企，都仲有五十個喺度，玩家上到去雖然會發覺選擇少咗，但質素仲Keep到。反而細場本嚟女唔算多，有五十個已經偷笑，家陣仲走咗大半，你話仲有幾多條女？難怪嗰日聽到有細場經理話，家陣啲客上嚟睇咗一轉，十居其九走人，真係好難做呀！
特攻語錄：大場有財力，仲要有人力，細場女難覓，輸到眼都直！
撰文：鋼炮仁