問：我太太就快生小孩子，所以我呢幾日都去咗醫院探佢，突然之間聽見有個男人抱住個嬰兒，大叫：「還番蛋蛋畀我！」起初以為又有醫療事故，但事後至知，原來個嬰兒患咗一種叫做「隱睾」嘅病，就係睾丸唔喺陰囊裏面，長大後變咗一個冇蛋蛋嘅人，請問係咪真係有咁嘅病呢？而蛋蛋唔喺陰囊，又喺邊度呢？萬一真係患上呢種病又應該點算呢？
答：冇錯！係有咁嘅病，通常都係天生嘅，所以得知自己生咗兒子時，除咗要看看陰莖外，仲要留意吓陰囊位置；但記得別多手大力擠壓，因為用手摸係摸唔到嘅，建議出生後做詳細身體檢查時，要求醫護人員做埋呢一項測試，經醫生判斷方為準確。隱睾並唔係指小朋友冇咗睾丸，而係睾丸生咗喺腹腔當中，出生後冇照正常一般生喺陰囊之內，如果一直不被發覺，到長大後，因為睾丸長期在體內受體溫影響，生產精子嘅功力會喪失，造成不孕。而萬一遇上隱睾，最好在兩周歲前動手術改正，生精功能會不受影響，但如要到5歲前才做手術，生育功能都仲可以保持大部分，之後年紀愈大影響會愈大，所以都係及早檢查，咁就可以一勞永逸。
撰文：陽起子