馳力王有個老死打電話畀我，話佢女友個個星期都北上按摩，有時即日來回，有時會第二朝先返嚟，初時都覺得無問題，因為佢心諗女人上去按摩，做得啲乜呀！再加上初時無去得咁密，一個月先一次。但後來佢從朋友口中得知，原來女人上去按摩都有邪骨，再加上呢兩三個月，都無開口話要，好似食到好飽咁。佢愈講愈激動，仲話佢可能上面有條仔添！鬼叫佢仲好鍾意條女，依家都唔知點算好！話分兩頭，馳力王覺得男人出得去滾，就預咗要還，依家男女平等，女人出嚟玩真係好普遍，唔似得以前咁樣，吞聲忍氣咁坐喺屋企度等。所以馳力王早就有聽聞內地有骨場，提供骨仔服務。同男人去按邪骨無咩分別，同樣可以打碟或者打真軍。所以話內地真係無奇不有，繼社交舞鴨仔之後，依家呢種骨仔服務仲方便，女人上去幾粒鐘，就可以食個快餐，玩玩吓好易玩出真感情，到時就真係麻煩喇！