一張寫真要影得靚，攝影師固然重要，而周邊景物，乃至天氣亦相當重要，不過最重要就當然係模特兒美艷動人啦，而要數到最能夠同花花朵朵合襯，就一定係張碧喇。今年21歲嘅張碧青春無敵，以淡妝示人可以凸顯本身嘅秀雅氣質，以濃妝上陣又展示出一派濃郁女人味，可謂相當難得。而身材方面，高挑嘅張碧身材勻稱，尤以粗幼適中嘅長腿最為吸引。由於張碧咁有質素，所以參加不少模特兒比賽都能夠取得佳績，例如喺2009年中國國際廣告模特大賽四川區入圍決賽，以及喺2010年全國平面模特兒大賽得到新秀獎。得獎之後，張碧工作一籮籮，拍下好多火辣寫真，不過我就最鍾意佢到戶外取景嘅寫真，因為阿妹佢真係人比花嬌，同背景嘅鮮花襯成一絕。