一讀者來信：本人四十多歲，唯一喜歡嘅運動就係同朋友踢吓波，一直都冇乜事，但前兩日同樣去踢波時，對方斬個罰球，我咪跳起頂波囉！點知條友仔撻Q，個波照我下面直射埋嚟，撞到發出「嘭」一聲巨響，我即時痛到起唔到身，即時仲有啲想暈嘅感覺，後嚟痛楚減少，我至可以走回場邊休息，但事後蛋蛋位置仲隱隱作痛，請問蛋蛋受創，後果嚴重嗎？以我嘅情況，應否去睇睇醫生呢？
答：如果蛋蛋受到外物撞擊，傷者係會有十分痛楚嘅反應，相對身體其他部分，蛋蛋喺抗撞擊上，絕對係最弱嘅器官，由於蛋蛋冇肌肉和骨架保護，所以痛楚加倍，目的就係要提醒男士們，要好好保護自己嘅蛋蛋，免受到任何撞擊，而當受外物撞擊時，按嚴重程度，會出現唔同程度嘅痛楚，當然撞擊愈嚴重，痛楚會愈厲害，所以讀者受撞擊時，痛楚曾令你痛到有暈眩嘅感覺，睇嚟都十分嚴重，建議你都係去睇睇醫生，驗查一下比較穩妥，而且有專家指出，千萬唔好睇小撞擊蛋蛋嘅殺傷力，有個案指出受傷嘅痛楚，足可令人致命，即係即場痛死，所以大家喺做運動嘅時候，真係要做足安全措施，保護身體上最脆弱嘅蛋蛋呀。
撰文：陽起子