三條三：我最近喺網上識到個巨乳大學生，佢話好想見我，要我上杭州見佢，仲話到時可以住佢屋企，幾多日都冇問題，而且到時想點都得喎！我究竟去唔去好呢？
四方木：人哋咁盛意拳拳，你點可以令人失望呢？買張機票上杭州使得幾多錢，到時喺佢屋企玩番三五七日，就已經乜都抵番晒啦，而且點都得，就已經夠晒吸引。
伍姑娘：網上識嘅囡囡十居其九都係男人扮o架，到時你山長水遠咁上到去，出現嘅係個鬚眉大漢，捉咗你返屋企，佢想點就點，後果真係不堪設想，認真要三思。
陸盒採：我話有可能係老千局，報紙都成日講，有不法集團專門搵啲靚女嚟引網友見面，之後去到囡囡香閨，匪徒們就會落閘放狗，你就只能肉隨砧板上任人魚肉。