內地夜場女隆胸幾乎係指定動作，但今日假咪已不值一提，要整就大執全身！一位夜場媽咪解釋：「啲女要賺快錢唔只要身材勁、床上乜都肯玩，最重要係相頭人見人愛至得！」媽咪嘅意思係指玩家要求愈來愈高，以往質素曳啲都可以將就上房，今日半價都推唔郁啲客，原因有幾方面，經濟環境唔好、人仔水位高、夜場競爭大，同埋鹹網只貼索女相，令玩家只對索女有衝動！
夜場媽咪認為以上嘅原因令夜場女愈來愈難出街，惟有要求囡囡整容，有囡囡對細佬表示，做女都未夠一年，已經整咗鼻、唇同雙眼皮，過年更希望去整埋塊瘦面，埋單計數已花過萬，真係賺嚟唔夠整！正因為興起整容熱潮，令佢哋私下發起「團購」整容，部分已整勻全身嘅「師姐」就同整容診所掛鈎，只要湊夠一定人數就有折扣，聽聞比自己去整慳一半以上，難怪姊妹間都爭住去整啦！但問題係件件女都倒模一樣，咁喺花街一字排開嗰陣時又有乜分別呢？
特攻語錄：囡囡為出鐘，整色又整水，團購整容潮，餅印冇分別。
撰文：馳力王